- ХЪÆДОХ
- Хъæды цæрæг дуаг (уырысмæ – леший). Æдзух дæр æм хъазын, искæй сайын, фæливæн митæ кæнын цæуы. Иудадзыг кæны «охх», æмæ йæ «охх» хъæды куы иу æрдыгæй æрбайхъуысы, куы – иннæ 'рдыгæй. Кæны фæзмæгау уынæртæ. Йæ фæдыл куы бафтай, уæд дæ «охх»-«охх»-кæнгæ хъæды тарфмæ басайдзæн, фæдзæгъæл уыдзынæ. Гъе, уымæ гæсгæ тас æфтауы, хъæды чи фæдзæгъæл вæййы, уыдоныл, æмæ сдзурын, акъахдзæф кæнын нал фæуæндынц, алы бæласы рæбынæй дæр сæ цыма уый фæхъахъхъæны, афтæ сæм фæкæсы.Хъæды алы уынæр дæр æндæр хуызæн хъуысы, алырдыгæй нæрæгау кæны æмæ уыцы уынæртæ, æвæццæгæн, равзæрын кодтой адæймаджы зонды Хъæдохы фæлгонц.
Словарь по этнографии и мифологии осетин. 2014.